Pa komemora dia internasional di Lingua Maternu, Ministériu di Edukason ta lansa primeru manual di Lingua y Kultura Kabuverdiana pa 10º anu di skolaridadi, na formatu dijital, pa un periudu sprimental, sima dekrétu lei n.º 28/2022 ta defende.
Pa prumeru bes, nu ten un manual di skola na lingua kaboverdianu ki foi pensadu pa apoia na dezenvolvimentu di konsiensia metalinguistiku di alunu, pamodi es manual ta ben djuda-l rafleti sobri gramatika di se lingua y konstrui konhesimentu sientifiku sobri el ma tanbe na el.
Es lansaméntu ta marka un objetivu di Guvérnu di Kabu Verdi k’é fornese material didatiku na língua matérnu ki ta mostra realidadi di nos pais. Kel li ta ben kontribui pa dezenvolvimentu di konpeténsia ku abilidadi linguistiku di nos alunu.
Pa komemorá dia Internasional de Lingua Matérna, Ministériu de Edukasãu ta lansá primer Manual de Lingua y Kultura Kabuverdiana 10º an de skolaridad, na format dijital, pa un periudu sprimental, moda dekrétu lei n.º 28/2022 ta defendé.
Pa primer ves, no ta ben ten un Manual de skola na lingua kaboverdian ke foi pensod pa isdá na dezenvolviment de konsiensia metalinguistik de alun. Es manual ta ben isdá-l rafleti sobre gramatika de se lingua y konstrui konhesiment sientifik sobre el, ma tanben na el.
Lansament d´es Manual ta kunprí un objetiv de Govérn de Kab Verd k´e fornesê material didatiku na língua matérna ke ta mostrá realidad de nos pais y ke ta ben kontribuí pa dezenvolviment de konpetensia ma abilidad linguistika de nos alun.
Em comemoração ao dia Internacional da Língua Materna, o Ministério de Educação lança o primeiro Manual de Língua e Cultura Cabo-verdiana do 10º ano de escolaridade, em formato digital, por período experimental, conforme o Decreto-Lei n.º 28/2022.
Pela primeira vez, temos um manual escolar em língua cabo-verdiana, pensado para apoiar no desenvolvimento da consciência metalinguística do aluno, porquanto o ajudará a refletir sobre a gramática da sua língua materna e a construir conhecimento científico sobre e nesta mesma língua.
Este marco representa um objetivo há muito almejado pelo Governo: fornecer materiais didáticos em língua materna que reflitam a realidade cabo-verdiana e que, simultaneamente, contribuam para o desenvolvimento de competências e habilidades linguísticas dos alunos.
Conheça o manual de Língua e Cultura Cabo-verdiana: https://tinyurl.com/spzc6bf8
